Амматааҕы «Хатынчаана» оҕо саадыгар үгэс буолбут «Мин чинчийээччибин» күрэх үрдүк тэрээһиннээхтик ааста. Күрэххэ 4 – тэн 7 – лэригэр диэри саастаах 27 кыттааччы 4 хайысханан күөн көрүстүлэр. Оҕолор салайааччыларын кытта бэйэлэрэ интэриэһиргиир темаларын талан, чинчийэн, кэтээн көрөн, уопут оӊорон бэйэлэрин үлэлэрин дьүүллүүр сүбэ иннигэр көмүскээтилэр.
Математика и техника хайысхаҕа 6 оҕо кытынна. Комбинированнай бөлөх иитиллээччитэ Вадик Никифоров 1 истиэпэннээх диплом хаһаайына «Робот спирограф» (сал. Толстоухова А.Е.) бэйэтин илиитинэн оӊорон, үлэлэтэн араас быһыылары уруһуйдатан көрдөрдө. Инникитин улааттаҕына бэйэтин уһуйааныгар кэлэн «Салайааччытын Алена Егоровна курдук «Роботехника» кружогун ыытар баҕалааҕын, саӊа кружок үлэлиир дьиэтин туттарыаҕын, тас дойдулартан кэлэн биһиэхэ оҕолор үөрэниэхтэрин ыра гынан кэпсээтэ, онно сүрүн ирдэбилинэн бары үлэһиттэр кытай тылын үөрэтиэхтээхпитин чопчулаата». «Дьикти чаһылар эйгэлэрин» үөрэппит Максим Афанасьев (сал. Толстоухова Г.П.), «Лена өрүскэ муоста» тутар Ариан Игнатьев (сал. Игнатьева А.Н.) бэйэтэ лего конструкторынан оӊорбут муостатын көрдөрөн, үлэлэтэн дьүүллүүр сүбэ биһирэбилин ыланнар 2,3 истиэпэннээх дипломаннар буоллулар. Муӊутуур кыайыылааҕынан «Суол грамотатын» үөрэппит, чинчийбит, Амма нэһилиэгин уулуссаларын, онон сылдьар массыыналар көрүӊнэрин ырыппыт Алеша Шишигин (сал.Толстоухова Г.П.) ааттанна. Алеша сыллата саӊаттан саӊа интэриэһинэй темалары үөрэтэн, чинчийэн «Мин чинчийээччибин» күрэхэ ситиһиилээхтик кыттар, атын оҕолор темаларын интэриэһиргээн истэр, элбэх ыйытыы биэрэн чопчулаһар.
Гуманитарнай хайысхаҕа 5 оҕо кыттыыны ылла. Петров Алгыс (сал. Куприянова А.П., Платонова Я.Г.) «Амга – Слобода – тогда и сейчас», Баттахова Нарыйаана (сал. Толстоухова Г.П.) «Музыка и пение», Варламова Мира (сал. Куприянова А.П., Платонова Я.Г.) бэйэлэрин темаларын истээччилэр иннилэригэр кэпсээн, арыйан, ыыппыт үлэлэрин көрдөрөн 1,2,3 истиэпэннээх дипломаннар ааттарын сүктүлэр. Бу хайысхаҕа муӊутуур кыайыылааҕынан «Кто рисует наши книжки» диэн тематын арыйан Лыткин Эрхан (сал.Акимова Н.В.) таҕыста. Эрхан оҕо кинигэлэрин кимнээх уруһуйдаан киэргэтэллэрин чинчийэн билбит, бэйэтин абаҕата уруһуйдаабыт кинигэлэрин көрдөрбүтэ, салайааччытын кытта бэйэлэрэ оӊорбут кинигэлэрин дьүүллүүр сүбэ сыанабылыгар таһаарбыта.
Тыыммат айылҕа хайысхаҕа 7 оҕо кыттыыны ылбыта. Сутакова Нарыйаана (сал. Пахомова У.Д.) «Дьиэ усулуобуйатыгар кумааҕыны оӊоруохха сөп дуо?» диэн бэйэтэ кумааҕыны оӊорон уруһуйдаабытын кэпсээн, Апросимов Юлиан (сал. Куприянова А.П., Платонова Я.Г.) «Минньигэс астаах повар» – асс астыырын сөбүлүүрүн, бу дьарыгынан ютуб ханаалга араас асчыт оҕолор күрэхтэригэр кыттыытын туһунан сырдатан, Александрова Аня (сал. Толстоухова Г.П., Тосина Д.В.) «Интересное о шоколаде» диэн темаҕа сакалаат хайдах оӊоһулларын, туһатын, бэйэ оӊорбут сакалаатын амтанын сырдатан күрэх дипломаннарын аатын сүктүлэр. Муӊутуур кыайыылааҕынан бэйэтэ араас астар, аска туттуллар кырааскалар, чох көмөтүнэн кырааска оӊорон хартыына уруһуйдаабыт «Волшебные краски своими руками» диэн темалаах Сеня Платонов (сал. Толстоухова Г.П., Платонова Я.Г.) буолла.
Тыынар тыыннаах айылҕата хайысхаҕа 8 оҕо кытынна. «Уоттаах балыктары» үөрэппит, киһи эмиэ уоттаах эбит диэн уопут оӊорон дакаастаабыт Ян Игнатьев (сал. Игнатьева М.И.), «Саха сылгытын» кэтээн көрбүт, олорор эйгэтин үөрэппит София Устинова (сал. Захарова Н.К., Устинова Л.П.), «Свойство воды» теманы үөрэппит, элбэх уопут оӊорон чинчийбит Дьяконова Алиса (сал.Давыдова Е.Н.) дипломаннар ааттарын сүктүлэр. Ульяна Окоемова «Как делают чистую воду «Амма уута» (сал. Захарова Н.К.) анаан чинчийбит, кэтээн көрөн үөрэппит үлэтинэн лауреат аатын сүктэ.
Сылтан сыл ахсын «Мин чинчийээччибин» күрэх кыттааччытын ахсаана элбээн иһэр, оҕолор интэриэһиргиир темалара кэӊээн иһэрэ үөрдэр.
Муӊутуур кыайыылаахтар аатттарын сүкпүт Алеша Шишигин «Суол грамотата» (сал.Толстоухова Г.П.), Лыткин Эрхан «Кто рисует наши книжки» (сал.Акимова Н.В.), Сеня Платонов «Волшебные краски своими руками» (сал. Толстоухова Г.П., Платонова Я.Г.), Ульяна Окоемова «Как делают чистую воду «Амма уута» (сал. Захарова Н.К.) улуустааҕы «Мин чинчийээччибин» күрэххэ ситиһиилээхтик кыттыахтара, уһуйааннарын аатын ааттатыахтара диэн эрэллээхпит.
