Амма улууһун үөрэҕин салалтатын үлэһиттэрэ төрөөбүт тыл уонна сурук-бичик күнүгэр аналлаах сэргэх тэрээһини ыыттылар. Методическай отдел специалистара Давыдова Э.В. уонна Кириллина К.Р. көҕүлээһиннэринэн управление үлэһиттэрэ бу күн сахалыы таҥнан кэллилэр уонна лекция иһиттилэр. Короленко үөрэнээччитэ, журналист, сырдатааччы, бастакы сахалыы букубаары тэрийэн, редакциялаан таһаарааччы Н.Е. Афанасьев туһунан Кириллина К.Р. лекциятын иһиттилэр. Онтон Давыдова Э.В. ыыппыт викторинатыгар көхтөөхтүк кытыннылар. Саха тылын билиигэ уопсай үөрэхтээһин отделын сэбиэдиссэйэ Кузьмина М.Н. бастаан Н.Е. Афанасьев туһунан кинигэнэн наҕараадаланна. Кыттыылаахтар өйдөбүнньүк буклеттары, бириистэри туттулар. Бу традицияны салгыырга, кэлэр дьылларга өссө интэриэһинэйдик ыытарга диэн сүбэлэһии буолла.
