Төрөөбүт тыл, сурук-бичик күнүгэр аналлаах нэдиэлэ чэрчитинэн Болугурдаађы «Колосок» уһуйааңңа араас тэрээһиннэр буола тураллар. «Ньээм-ньээм» бөлөх кырачааннара сахалыы остуол оонньууларын оонньоотулар, хоһоон аахтылар. «Чуораанчык», «Ньургуһун» иитиллээчилэрэ олохтоох библиотека үлэһитэ Егорова М.И. кыттыылаах «Сахам тыла – саргы тыла» тэрээһиңңэ кытыннылар. Марианна Иннокентьевна ођолорго саха бастакы алпабыытын төрүттээбит С.А. Новгородов туһунан кэпсээтэ, иитээччилэр саха дорђоонноругар тыл оонньууларын оонньоттулар. Ођолор хомустаатылар, сахалыы хоһоон, ырыа, үңкүү толордулар. Уһуйаан үлэһиттэрэ С. Данилов, А. Иванов-Күндэ, Күннүк Уурастыырап хоһооннорун дорђоонноохтук аађаммыт, төрөөбүт төрүт тылбыт үрүйэ уутун курдук ыраас, сир симэђин курдук сиэдэрэй тыынын, ийэ тыл илгэтин сүрэхпитигэр иңэриннибит. Маны таһынан улууска ыытыллар тэрээһиннэргэ, күрэхтэргэ кыттабыт. Нэдиэлэ салђанар.
