Тохсунньу 26 күнүгэр «Хатыҥчаана» уһуйааҥҥа улуус кустовой методическай холбоһуктарын командаларын икки ардыгар методическай турнир буолан ааста. Манна барыта 5 холбоһук «Сайдыы», «Саһарҕа», «Ситим», «Чөмчүүк», «Оптимист» хамаандалар бэйэлэрин икки ардыларыгар кииристилэр.
Методическай турнир түөрт түһүмэҕинэн барда, бастакы түһүмэххэ хамаандалар бэйэ бэйэлэрин билиһиннэриилэрэ, иккискэ методическай кейска бу холбоһук методическай үлэлэрин сырдаттылар, үһүскэ «Х-факторга» оҕо иитиитигэр сыһыаннаах ситуациялары быһаардылар, төрдүс түһүмэххэ «Аһаҕас микрофоҥҥа» оҕо иитиитигэр, үөрэтиитигэр иитээччилэр санааларын үллэһиннилэр.
«Биһиги улууспутугар кустовой методическай түмсүүлэр урукку сыллартан олус көхтөөхтүк үлэлииллэр. Пандемия иннинэ үгэскэ кубулуйбут үгүс тэрээһиннэр, күрэхтэр бастаан кустовой таһымҥа ыытыллаллар этэ. Хааччахтааһын кэнниттэн метотурнирга көрсүһүүбүт ахтылҕан тыыннаах, олус долгутуулаах, үөрүүлээх буолла. Бары хамаандалар сүрдээх айымньылаахтык бэлэмнэнэн, бэйэлэрин билиһиннэрдилэр, үлэ баай уопутун көрдөрдүлэр. Идэлэрин толору баһылаабыт уһуйаан иитээччилэрэ иитии-үөрэтии бары хайысхаларыгар бэйэлэрин көрүүлэрин, санааларын үллэһиннилэр. Түһүмэх аайы түмсүүлэр ураты сирэйдэрэ, уһуйааннар үлэлэрэ, сомо5олоһуулара сырдатылынна. Тэрээһини ыалдьытымсах Хатыҥчаана уһуйаан кырачаан иитиллээччилэрэ, үлэһиттэрэ ырыанан-тойугунан киэргэттилэр, иилээн-саҕалаан ыыттылар. Олус үчүгэй күрэх, дьиҥнээх педагогическай бырааһынньык, биир идэлээхтэр айымньылаах көрсүһүүлэрэ буолла. Махтал!», – диэн бэйэтин санаатын үллэстэр, Ульяна Майродовна Михайлова, дьүүллүүр сүбэ чилиэнэ.
Куонкурус түмүгүнэн кыайыылаах хамаанда олунньу 14 күнүгэр “Илин эҥэр» күрэҕэр Амма улууһун чиэһин көмүскүү барыаҕа.
