Муус устар 8 күнүгэр В.Г.Короленко аатын сүгэр Амма 1№-дээх орто оскуолатыгар Дьокуускай куорат 38№-дээх орто оскуолатыттан “Киһи бэрдэ буолуум” диэн ааттаах Педагогическай десант бэйэ уопутун, билиитин тарҕатар, сатабылын хаҥатар, сайыннарар сыаллаах кэлэн барда. Ыалдьыттары аммалар алаадьылаах саламаатынан көрүстүлэр. Амма 1№-дээх орто оскуолатын туһунан директор Ларионов Н.А. сырдатта. Төрөөбүт төрүт тылын, дойдутун, чугас дьонун убаастыыр, таптыыр, бары өттүнэн сатабыллаах, ситиһиилээх киһини иитиигэ ” Мин баайым” темаҕа кылаас чааһа, “Мин дойдум үлэһит дьоно” диэн дьоһуннааҕы кэпсэтии, “Төгүл таблицатын хатылааһын” темаҕа математика уруогун, “Саха буолан сандаарыах” темаларга маастар кылааһы көрдөрдүлэр. Баай опыттарын кэлэн кэпсээбиттэрин истибит учууталлар олус астыннылар. Оҕо төрөөбүт тылынан саҥарарыгар туһаайыллыбыт үгүс үлэни ыыталларын сэргээтилэр. Амма 1№-дээх оскуолатын алын кылаастарын учууталлара эмиэ бэйэлэрин уопуттарын “Төрүт тыл сүмэтэ”,”Өйдөбүллээх аа5ыы таһымын бэрэбиэркэлиир үлэ”, “Сайдыс-тылы сайыннарар оонньуу” авторскай үлэлэрин туһунан кэпсээтилэр. Көрсүһүү Төгүрүк остуолунан түмүктэннэ.
Аны күһүн 38№-дээх оскуола учууталлара саҥа өрөмүөннэммит оскуолаларыгар 5 сыллаах “Педагогическай десант” проектарын түмүктүүр тэрээһиннэригэр көрсүөх буолан тарҕастылар.
