Кэнчээри ОСК үгэс буолбут төрөөбүт тыл нэдиэлэтэ сэргэхтик ааста. Сылын аайы ыытыллар хоһоон күрэҕэ саха норуотун суруйааччытыгар Иван Мигалкиҥҥа ананна. Иитээччилэргэ квест-оонньуу, төрөппүттэргэ төрөөбүт тылы билиини тургутууга викторина, оҕолорго остуол оонньуулара, хамсаныылаах оонньуулар буоллулар. Маны таһынан, улуустааҕы оҕо библиотекатын көһө сылдьар библиотеката, “Оҕолорго – остуоруйа” тэрээһиннэр буолан аастылар. Дьүүллүүр сүбэ хоһоон ааҕыытыгар оҕолор былырыыҥҥыттан тупсубуттарын бэлиэтээтэ. Иитээччилэр Барабанова Л.Г., Осипова З.А. остуоруйа кэпсээн, видеоматырыйаал устан библиотека социальнай ситимигэр киллэрдилэр.
