Олунньу 28 күнүгэр Амма дьоллоох туонатыгар ураты, хатыламмат кэрэ, үтүө түгэн үүннэ. Ол курдук, Амма улууһун дьаһалтата, улуустааҕы үөрэх салалтата, Ольга Петровна Иванова-Сидоркевич аатынан Амматааҕы айар сайдыы киинэ, улуустааҕы Аҕа түмсүүтэ, гражданскай сэрии устуоруйатын түмэлэ, Василий Ильич Жожиков аатынан оҕо библиотеката уонна «Амма кэскилэ» оҕо хамсааһына улуустааҕы уолаттарга аналлаах «БАСХАН-2023» дьыалабыай оонньуу А.П. Рязанскай төрөөбүтэ 150, Амма улууһугар-устуоруйа нэһилиэстибэтин уонна дойдуга тапталы иитии сылыгар аналлаах иккис улуустааҕы оонньууну ыыттыбыт.
БАСХАН – бырайыак автордара Үөһээ Бүлүү улууһун Харбалаах нэһилиэгин, Исидор Никифорович Барахов аатынан государственность музейын сүрүн специалиһа – Семенова Евдокия Павловна уонна «Тускул» оҕо киинин иһинэн үлэлиир Сомоҕо оҕо хамсааһынын методиһа – Ильина Саргылана Лукична буолаллар.
«Басхан» – Лиидэр диэн тыл тылбааһа. Ол аата бас-көс, баһылыыр диэн суолталаах. Эр киһи ханна да буоллун тэрилтэтигэр да, дьиэ кэргэнигэр да буоллун бас-көс, төһүү, тутаах, ылыннарыылаах тыллаах, ырааҕы өтө көрөр дириҥ өйдөбүллээх, киэҥ билиилээх, сатабыллаах киһи буолуохтаах. Маннык суолталаах ааты ылбыт уолаттарбыт кэлин нэһилиэктэрин, улуустарын, өрөспүүбүлүкэлэрин салайыахтара, тутаах дьонноро буолуохтара диэн эрэлбит улахан.
«Басхан-2023» улуустааҕы дьыалабыай оонньууга 11 лиидэр уол өйүн-санаатын, билиитин-көрүүтүн тургутан көрдө. 5 түһүмэҕинэн илин-кэлин түһүстүлэр.
Түмүккэ:
Л.В. Киренскай аатынан Амматааҕы лиссиэй 9 кылааһын үөрэнээччитэ Артем Яковлев 1 миэстэни ылла;
А.Е. Кралин аатынан Абаҕа орто оскуолатын 9 кылааһын үөрэнээччитэ Николай Кайдалов 2 миэстэни ылла;
Чакыр орто оскуолатын 9 кылааһын үөрэнээччитэ Федоров Аркадий Николаевич 3 миэстэни ылла.
Анал ааттар кыайыылаахтара:
«Ылыннарыылаах тыл-БАСХАНА» И.И. Константинов-Дэлэгээт Уйбаан аатынан Сулҕаччы орто оскуолатын 9 кылааһын үөрэнээччитэ Максим Максимов;
«Өркөн-өй БАСХАНА» – Е.С. Никитина аатынан Алтан орто оскуолатын 10 кылааһын үөрэнээччитэ Кузьма Васильев;
«Хомоҕой тыл БАСХАНА» – В.М. Новиков-Күннүк Уурастыырап аатынан Эмис орто оскуолатын 10 кылааһын үөрэнээччитэ Богдан Бубякин;
«Удьуор утумун сал5ыыр-БАСХАН» Е.Е. Пахомов аатынан Болугур орто оскуолатын 10 кылааһын үөрэнээччитэ Дьулустан Кожуров;
«Үтүө санаа БАСХАНА» – В.Г. Короленко аатынан Амма маҥнайгы нүөмэрдээх орто оскуолатын 8 кылааһын үөрэнээччитэ Савелий Томский;
«Сайдам санаа-БАСХАНА» – П.И. Яковлев аатынан Амма-Нахаара орто оскуолатын 9 кылааһын үөрэнээччитэ Мирослав Романов;
«Кэскиллээх Басхан» – Н.Е. Иванов аатынан Бөтүҥ орто оскуолатын 10 кылааһын үөрэнээччитэ Артур Егоров;
«Кыайыыга дьулуурдаах БАСХАН» – А.П. Рязанскай аатынан Соморсун орто оскуолатын 9 кылааһын үөрэнээччитэ Данил Катакинов.
«Басхан-2023» дьыалабыай оонньуубутун кэтээн көрөр дьүүллүүр сүбэҕэ, биллэр-көстөр, убаастанар дьоннорбут олордулар. Кинилэргэ уонна күүс-көмө, өйөбүл буолбут дьоннорбутугар барыларыгар тэрийээччилэр аатарыттан улахан махталбытын биллэрэбит!
Өссө төгүл барыгытын «БАСХАН-2023» дьыалабыай оонньуу түһүлгэтэ этэҥҥэ түмүктэммитинэн эҕэрдэлиибит! Бары кыттыбыт уолаттарбытыгар үрдүк ситиһиилэри, киэҥ дабайыылары, төрөөбүт дойдубут, тапталлаах Аммабыт чэчирии сайдарыгар бары биир санаанан айыаҕыҥ-тутуоҕуҥ, үлэлиэҕиҥ диэн ыҥырабыт!!!
Тэрийэр бөлөх.
