Ахсынньы 2 күнүгэр С.А. Новгородов аатынан «Бичик» кыһатын Үөрэх уонна оҕо кинигэтин киинэ уонна СӨ Үөрэҕин уонна наукатын министиэристибэтэ уһуйаан иитээчилэригэр анаан «САХА УҺУЙААНА: САҤАЛЫЫ СОНУН КӨРҮҮЛЭРИ ОЛОХХО КИЛЛЭРИИ» онлайн – практикум-семинары бэркэ иилээн-саҕалаан ыыттылар.Барыта 312 киһи кыттыыны ылбытыттан Амма улууһуттан 45 иитээччи көхтөөх кыттыны ыллылар.
Семинар кэмигэр «ТЕРРИТОРИЯ ДЕТСТВА: 100-летие дошкольного образования Якутии» үбүлүөйдээх таһаарыыны киэҥ эйгэҕэ билиһиннэрии буолла.
«КУСТУК: ОСКУОЛА ИННИНЭЭҔИ ҮӨРЭХТЭЭҺИН БЫРАГЫРААМАТА» туруорар соруктарын олоххо хайдах киллэрэбит? (Спикердэр – авторскай кэлэктиип салайааччылара Т.И. Никифорова, пед.н.к., Л.В. Попова, пед.н.к., ХИФУ Пединститут оскуола иннинээҕи үөрэхтээһин кафедратын доцена, А.А. Скрябина, С.Ф. Гоголев аатынан Дьокуускайдааҕы педколледж оскуола иннинээҕи үөрэхтээһин салаатын сэбиэдиссэйэ) быһааран биэрдилэр.
Уһуйаан саастаах оҕолору иитиигэ-үөрэтиигэ көмө матырыйааллар диэн Бичик кыһатын нөҥүө бэчээттэмит 22 кинигэлэр ааптардара маастар кылаастары биэрдилэр. «Саха уһуйаана» сериянан бэчээттэммит материаллар ааптардара бэрт үчүгэйдик бэйэлэрин үлэлэрин сырдаттылар. Манна биһиги улуустан оҕо ситимнээх саҥата сайдарыгар худуоһунньук Н.Н.Рязанскай хартыыналарынан оҥоһуллубут үөрэтэр –көрдөрөр карточкалар «Киистэ кэпсээнэ» (ааптар: Рязанская Екатерина Филипповна), «Чычып-чаап» уһуйаан иитээчилэрэ бэлэмнээбит видеороликтара көһүннэ, истээччилэр биһирэбиллэрин ылла. Түмүккэ «Бичик» кинигэ кыһатын лотореята оонньонно, манна бааттаах иитээчилэр Мартынова Г.К. (МБДОУ “Дуораанчык»), Кузнецова А.А. (МБДОУ ЦРР-д/с “Кэнчээри”), Никитина Ф.Ф. (МБДОУ “Кэскил”) кинигэ комплектарын, бизиборд сүүйдүлэр. Онон бэрт туһулаах сэминээр буолан ааста.